കൊടിയത്തൂർ: യു ഡി എഫ് 19 ൽ 13 സീറ്റോടെ അധികാരം നിലനിർത്തിയ കൊടിയത്തൂർ പഞ്ചായത്തിൽ മുസ്ലിംലീഗിലെ കവിത ടീച്ചർ പ്രസിഡന്റ് ആകും'പഞ്ചായത്ത് പ്രസിഡന്റ് പദം ഇവിടെ എസ് സി വനിത സംവരണമാണ്. സൗത്ത് കൊടിയത്തൂർ വാർഡിൽ നിന്നാണ് കവിത ടീച്ചർ വിജയിച്ചത്. പ്രൈമറി സ്ക്കൂൾ അധ്യാപികയാണ് .
കോൺഗ്രസിലെ സുജ ടോം വൈസ് പ്രസിഡൻറ് ആകും. കൊടിയത്തൂർ മണ്ഡലം കോൺഗ്രസ് പ്രസിഡണ്ടും മുൻ ഗ്രാമപഞ്ചായത്ത് പ്രസിഡണ്ടുമാണ് സുജടോം. പുതിയനിടം വാർഡിൽ നിന്നാണ് തിരഞ്ഞെടുക്കപ്പെട്ടത്. പഞ്ചായത്ത് പ്രസിഡന്റ് പദവി മുസ്ലിംലീഗും കോൺഗ്രസും പങ്കിടാനും ധാരണയായിട്ടുണ്ട്. ആദ്യ രണ്ടര വർഷം ലീഗിനാണ് .
സത്യപ്രതിജ്ഞ നാളെ
കൊടിയത്തൂർ ഗ്രാമപഞ്ചായത്ത് 2025-30 കാലയളവിലേക്കുള്ള പുതിയ ഭരണസമിതി അംഗങ്ങളുടെ സത്യപ്രതിജ്ഞ ചടങ്ങ് നാളെ (21.12.2025 ഞായർ ) രാവിലെ 10 മണിക്ക് കൊടിയത്തൂർ GMUP സ്കൂൾ ഓപ്പൺ ഓഡിറ്റോറിയത്തിൽ വെച്ച് നടക്കും.
