 |
| ടീം UNITEE FC PULPARAMB |
തുടക്കം മുതൽ തന്നെ ഇരു ടീമുകളും മികച്ച ആക്രമണ ഫുട്ബോളാണ് കാഴ്ചവെച്ചത്. ആദ്യ പകുതിയുടെ തുടക്കത്തിൽ തന്നെ രണ്ട് ഗോളുകൾ നേടി യുണൈറ്റി എഫ്.സി പുൽപ്പറമ്പ് മികച്ച മുന്നേറ്റം നടത്തി. എന്നാൽ, വിട്ടുകൊടുക്കാൻ തയ്യാറാവാതിരുന്ന ടിപൈകോ ചെറുവാടി ആദ്യ പകുതി അവസാനിക്കുന്നതിന് മുൻപായി രണ്ട് ഗോളുകൾ തിരിച്ചടിച്ച് മത്സരം 2-2 എന്ന നിലയിൽ സമനിലയിലാക്കി.
 |
| ടീം TPYCO |
തുടർന്ന് നടന്ന വാശിയേറിയ പോരാട്ടത്തിനൊടുവിൽ, രണ്ടാം പകുതിയുടെ അവസാന നിമിഷങ്ങളിൽ മിനിറ്റുകളുടെ വ്യത്യാസത്തിൽ രണ്ട് ഗോളുകൾ കൂടി നിറയൊഴിച്ച് യുണൈറ്റി എഫ്.സി പുൽപ്പറമ്പ് തങ്ങളുടെ വിജയം (4-2) ഉറപ്പിക്കുകയായിരുന്നു.
ടൂർണമെന്റിന്റെ വർണ്ണാഭമായ ഉദ്ഘാടന ചടങ്ങിൽ സാമൂഹിക-സാംസ്കാരിക രംഗത്തെ പ്രമുഖർ അതിഥികളായി പങ്കെടുത്തു. മുക്കം ഫയർ സ്റ്റേഷൻ ഓഫീസർ എം. അബ്ദുൾ ഗഫൂർ, ചെറുവാടി പിടിഎ പ്രസിഡന്റ് ഷെരീഫ് കുട്ടക്കടവത്ത്, ഡോ. പ്രൊഫസർ അബ്ദുൾ കരീം ഒ.സി, കുട്ടികൃഷ്ണൻ .കെ എന്നിവരായിരുന്നു വിശിഷ്ടാതിഥികൾ.
ചടങ്ങിൽ വെച്ച് ഡോ. പ്രൊഫസർ അബ്ദുൾ കരീം ഒ.സി-യെ വേദിയിൽ പ്രത്യേകമായി ആദരിച്ചു. മികച്ച കാണികളുടെ പങ്കാളിത്തത്തോടെയാണ് ടൂർണമെൻ്റിന് തുടക്കം കുറിച്ചിരിക്കുന്നത്.
